唉~~最近超黑仔都唔知發生咩事,都唔知係咪曬黑左之後,連d運都開始轉黑ar......前幾日一早就出左大陸,之後去到大概點
幾鐘番黎,念住楂車走個陣時,唔小心放左抽匙係車廂到,整到開唔到車,架車又未鎖,都唔知點,又驚人地推走,咁我之後未只好
由關閘推番屋企攞後備匙lo,嘩番到屋企d汗好似沖涼咁係咁流,真辛苦.....之後,我晏d又去左港澳碼頭整少少野,念住好快
出黎,所以拍左係門後一陣,點之,入左去五分鐘都唔夠,出到黎,已經有張牛肉乾係度la,估唔到依家d交通警做野真係快,咁
都算la,當我楂車走個時,個輪竟然爆左,fuck,之後,周圍所有ge車行星期日都唔開,所以我打比我老頭求救,點之,佢話冇計
叫我推番屋企,唉,咁我打比你做咩?之後,我只好又推多次車番屋企......真係超黑仔呀!!!!
尋日,我去交左張牛肉乾,跟住,後先夜晚十點幾個陣時,岩岩係機鋪出黎,發現,我個頭盔比人偷左,仆x,夜晚晚我去邊度搵個個
頭盔番屋企呀.....當時,我真係好慶,好想推跌曬周圍ge電單車當係發"使",之後,我就係附近搵左好耐,終於比我搵到一間
仲未山門ge車行啦...之後買左個新頭盔之後,跟住楂車走,楂到咁上下,突然間見到阿細,跟住同佢爹左一陣,先知道原來仲
有人黑仔過我......真係慘..

等左咁耐...終於放暑假啦~~而且已經放左一個星期有多啦....但係,係黎個星期入面都唔知自己係到做緊咩...
真係好悶呀,日日都係做埋差唔多樣ge野.都唔知點咁...止不過係夜晚同d fd出黎踢下波咁,每日我最期待ge
就係個個時間,因為終於可以見到d fd,同我吹吓水啦,因為我係屋企真係悶爆呀....不過,日日都係咁踢,真係
覺得好悶呀,唔知點解開始對個波有d痳木啦,覺得踢波好悶呀~~
唔知點解係返緊學個陣時,好想係暑假期間搵野做,但係唔知點解,依家到左暑假,又唔想搵野做,唔知係咪懶ge原
因呢?但係唔知點解又有一種心態,唔做野,係屋企痴飲痴食個種感覺好似有d怪怪地咁,對住阿爸阿媽好似硬係有d
唔知點咁...所以依家好矛盾呀~~~~~~~~
前幾日同我由細玩到大ge老表叫左我去游水,真係好耐都未同佢一齊玩過啦....佢依家做左警察,佢游水ge時候,
將佢ge肌肉表露冇為,真係好大隻呀,如果佢唔係隻住條泳庫同埋泳鏡,我真係以為佢去泳池打交唔係游水呀~~
不過個個時間真係好鬼曬呀,番到屋企,我沖涼ge時候對住塊鏡見到一個全黑ge自己,真係好黑呀,help me呀.....
但係有一個地方係好白ga,就係隻住泳庫個個位置,我望住塊境ge時候,真係覺得自己好似隻住條白色短庫咁.....
haha,真係好搞笑,之後,我對住塊鏡笑左一段時間之後,先開始沖涼,真係......白x
不過,我今次再見番我老表之後,我同佢傾計口吻,覺得佢成熟左好多,真係成個大人咁,反而自己仲係好似仲未成
熟咁,我止不過細佢一年je,差咁遠ge,cow.........